Проектот Building Matters има за цел да ја подигне свеста за потребата од зелени вештини поврзани со употребата на градежни материјали и да ги подготви провајдерите на стручни обуки да ги приспособат своите понуди за обука на променливите потреби за вештини, зелената и дигиталната трансформација и економските циклуси. Главните цели вклучуваат промена на начинот на размислување на главните претставници на индустријата кон зелените трендови, создавање одржливи вмрежувања на сите засегнати страни во индустријата за градежни материјали на локално, национално и транснационално ниво, истражување на одржливи решенија за новите материјали и нивните реални цени, промовирање одржливо однесување и пристапи за ублажување на ризиците од климатската транзиција во градежниот сектор и развивање активности за обука за зелени вештини.

Понатаму, проектот има за цел да го олесни пристапот до висококвалитетни можности за учење преку употреба на виртуелни, дигитални и комбинирани методологии за учење, промовирајќи споделување информации и меѓусебно учење. Како дел од проектот, наставните програми за одржливи градежни материјали ќе бидат интегрирани во програмата за обука на Building Matters, во рамките на дигитална средина за е-учење. Оваа платформа за е-учење ќе го поддржи професионалниот развој на наставниците и обучувачите од стручното образование и обука, со можности за учење и понуди за обука усогласени сонапредни патеки кон одржлива транзиција.

Покрај тоа, платформата за е-учење ќе им овозможи на сите профили во синџирот на вредности во градежниот сектор, како и на сите заинтересирани чинители, лесно да пристапат и да го искористат флексибилниот пакет за обука на Building Matters и алатките што ги содржи.

За повеќе информации за проектот, посетете ја веб-страницата https://buildingmatters.gzs.si/vsebina/EN 

Овие обуки имаат за цел да им овозможат на крајните корисници вештини за справување со предизвиците на еколошката и климатската транзиција со кои се соочува градежниот сектор, промовирајќи и обезбедувајќи основни знаења за употребата на одржливи градежни материјали.

Наставните програми за обука се структурирани во 4 секции/модули:

Модул 1: Еколошки аспекти на градежните материјали

Модул 2: Проценка на животниот циклус на градежни материјали

Модул 3: Европски стандарди и обележување на градежните материјали

Модул 4: Свесност за нови одржливи градежни материјали

Начинот на реализација на обуката е прилагодлив за секој слушател и се реализира самостојно, спред личното расположливо време.  Се очекуваат приближно 30 часа самостојно учење и домашна работа

Секој модул од обуката вклучува: 1 анимирана видео презентација, прирачник (материјал за учење), библиотека со дополнителен материјал, Тест за самооценување на крајот од секој модул.

За да се добие сертификат за успешно учество, потребно е да бидете регистрирани при одговарање на Тестот за самооценување и успешно да одговорите на прашањата!